ඒකාබද්ධ විපක්ෂයට විපක්ෂ නායක ධූරය අනිවාර්යයෙන් ලබා දිය යුතුයි. – උදය ගම්මන්පිල
ජනතාවගෙන් සියයට 46 ක් ඡන්දය දුන් විපක්ෂයේ මන්ත්‍රීධූර 52 ක් හිමි ඒකාබද්ධ විපක්ෂයට විපක්ෂ නායක ධූරය අනිවාර්යයෙන් ලබා දිය යුතු බව පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා පවසා ඇත. මන්ත්‍රීවරයා මෙම අදහස් පළ කර ඇත්තේ, මාධ්‍ය හමුවකට එක්වෙමිණි.
පසුගිය පාර්ලිමේන්තු මැතිවරණයෙන් පසු හංස සන්ධානය දෙකට බෙදුන බවත් පැවසු ගම්මන්පිල, කොළ-නිල් පාට හංසයෝ ආණ්ඩු පක්ෂයේ වාඩි වෙන විට රතු-කහ පාට හංසයෝ විපක්ෂයේ වාඩි වී අපට අයිති විපක්ෂ නායකධූරය මෙන්ම විපක්ෂයේ ප්‍රධාන සංවිධායක ධුරයත් උදුරා ගෙන ඇති බව ද පවසා ඇත.
නමුත් ජනතාව මෙවර පළාත් පාලන මැතිවරණයේ දී නැවත වතාවක් ලංකාවේ ප්‍රධානම දේශපාලන පක්ෂය අපියි කියා සිහිපත් කර දෙන බවද කියා සිටි ගම්මන්පිල, ආණ්ඩුවේ නායකයින් ආණ්ඩු බලය තියා විපක්ෂ නායකධූරය හෝ ලබා දීමට සුදානමක් නොමැති බවත් සඳහන් කර ඇත.