ආණමඩුව, ලබුගල ප්රදේශයේදී ආණමඩුව පොලිස් ස්ථානයේ නිලධාරීන් හා පුත්තලම විශේෂ කාර්ය බලකා කඳවුරේ නිලධාරීන් විසින් සිදුකළ වැටලීමකදී පුද්ගලික ඉඩමක පුරාවස්තු සෙවීමේ අරමුණින් කැණීම් කරමින් සිටි කාන්තාවක් හා තවත් පුද්ගලයින් 06 දෙනෙකු අත්අඩංගුවට ගෙන ඇති බව වාර්ථා වේ. එමෙන්ම මෙම වැටලීමේදී කැණීම් කිරීම සඳහා උපයෝගී කරගත් උදලු 03, අලවංගු 01, මුල්ලු 01, යවුල් 02, ස්වල් 02, විදුලි මෝටර් සහිත දොඹකර 01, වයර් රෝල් 01 හා පූජා භාණ්ඩ අත්අඩංගුවට ගෙන ඇත.
මෙලෙස අත්අඩංගුවට ගත් පුද්ගලයින් ආණමඩුව ප්රදේශයේම පදිංචිකරුවන් බවත් ඔවුන් අද (11) ආණමඩුව මහේස්ත්රාත් අධිකරණය වෙත ඉදිරිපත් කිරීමට නියමිත බවත් සඳහන් වේ.