ඉන්දියන්, සිටි යූනියන් බැංකුවට සයිබර් ප්‍රහාරයක්.
සයිබර් අපරාධකරුවන් පිරිසක් තම බැංකු පද්ධතියට අනවසරයෙන් පිවිස ඩොලර් මිලියන 2කට ආසන්න මුදලක් කොල්ලා කා ඇතැයි ඉන්දියාවේ ‘සිටි යුනියන්’ බැංකුව සඳහන් කර සිටින බව විදෙස් මාධ්‍ය සඳහන් කර සිටී. ‘ස්විෆ්ට්’ මූල්‍ය ක්‍රමවේදය ඔස්සේ මෙලෙස විදේශවල සිටින ණය හිමියන් වෙත නීතිවිරෝධී ආකාරයෙන් ප්‍රේෂණ ලෙස මුදල් යවා ඇතැයි බැංකුව පවසා ඇත.
වංචනික අයුරින් ඩුබායි, තුර්කිය සහ චීනයේ බැංකු ගිණුම් තුනක් වෙත ප්‍රේෂණය කර ඇති බව කුඩා ප්‍රමාණයේ ණය දෙන්නකු විසින් පසුගිය දිනක අනාවරණය කර ගැනීමත් සමඟ කළ සොයා බැලීමකදී ඩොලර් මිලියන 2කට ආසන්න මුදලක් කොල්ලා ඇති බව ‘සිටි යුනියන්’ බැංකුව නිවේදනය කළ බව සඳහන් වේ. මෙය රටවල් කිහිපයක් සම්බන්ධ කරගනිමින් කරන ලද දැවැන්ත මූල්‍ය සොරකමක් යැයි ද, මෙය ජාත්‍යන්තර සයිබර් අපරාධකරුවන් එල්ල කරන ලද සයිබර් ප්‍රහාරයක් යයිද, ඒ සම්බන්ධයෙන් මේ වනවිට විමර්ශන ආරම්භ කර ඇතැයි ද ‘සිටි යුනියන්’ බැංකුවේ ප්‍රධාන විධායක නිලධාරී එන්. කමකෝඩී පවසා ඇත.