ඕමාන සුල්තාන් මිය යයි
අරාබි ලෝකයේ දීර්ඝ කාලයක් පාලනය කළ ඕමානයේ සුල්තාන් කබූස් බින් සයිඩ් අල් සයිඩ් (වයස අවුරුදු 79 ) මිය ගොස් තිබේ.
1970 දී බ්‍රිතාන්‍ය සහාය ඇතිව ඔහු තම පියාව ලේ රහිත කුමන්ත්‍රණයකින් බලයෙන් නෙරපා බලයට පැමිණියෙකි.
සුල්තාන් කබූස් බින් සයිඩ් අල් සයිඩ් ඕමානයේ තෙල් සම්පත උපයෝගී කරගනිමින් සිය රට සංවර්ධනය සඳහා මාවතකට යොමු කළේය.
ඔහුගේ මරණය පිළිබදව කිසිදු හේතුවක් මෙතෙක් නිල වශයෙන් තහවුරු කර නොමැත.
සුල්තාන් කබූස් බින් සයිඩ් අල් සයිඩ්ගේ මරණයෙන් අනතුරුව සහෝදරයා වන හයිතම් බින් තාරික් අල් සයිඩ් ඔහුගේ අනුප්‍රාප්තිකයා ලෙස දිවුරුම් දී තිබේ.
කබූස්ට උරුමක්කාරයෙකු හෝ ප්‍රසිද්ධියේ නම් කරන ලද අනුප්‍රාප්තිකයෙකු නොමැති බැවින් පවුල් සභාවකට අනුප්‍රාප්තිකයෙකු තෝරා ගැනීමට දින තුනක් ගතව තිබුණි.
ඕමානයේ පාලනය තීරණ ගන්නා තැනැත්තා සුල්තාන් ය.
ඔහු අගමැති, ත්‍රිවිධ හමුදාවේ උත්තරීතර අණ දෙන නිලධාරී, ආරක්ෂක ඇමති, මුදල් ඇමති සහ විදේශ කටයුතු අමාත්‍ය යන තනතුරු ද දරයි.