මැතිවරණ කොමිසමේ සාමාජික රත්නජීවන් හූල් හා විදේශ ගතව සිට පැමිණි ඔහුගේ දියණිය ගමන් ගත් මෝටර් රථයේ රියැදුරුට හා තවත් නිලධාරියකුට දින 14 ක් නිවසේ රැුඳී සිටින ලෙස මැතිවරණ කොමිසම දැනුම් දී ඇතැයි වාර්තා වෙයි. යාපනය මැතිවරණ කාර්යාලයට අනුයුක්තව මෙම රියැදුරු සේවය කරන අතර නිවාඩු ගිය අනෙක් නිලධාරියා රාජගිරිය මැතිවරණ කාර්යාලයේ සේවය කරයි.
දින 14ක් නිවසේ නිරෝධායනය වන ලෙස දැනුම් දී තිබියදී හූල් ගේ දියණිය මෙම මෝටර් රථයේ අවස්ථා කිහිපයකදීම ගමන් කර තිබීමත් අනෙක් නිලධාරියා මැතිවරණ කාර්යාලයේ දී හූල් සමග සාකච්ඡා කර තිබීමත් නිසා මොවුන් දෙදෙනා නිවාඩු යවා ඇත.