කොරෝනා පරද්දන බෙහෙත බ්‍රිතාන්‍යයෙන් සොයා ගනී.
කොරෝනා පැරදවිය හැකි නව ඖෂධයක් සොයා ගැනීමට බ්‍රිතාන්‍ය විද්‍යාඥයන් පිරිසක් සමත්ව තිබේ. ඩෙක්සමෙතසෝන් Dexamethasone යනුවෙන් හදුන්වන මෙම නව ඖෂධය බ්‍රිතාන්‍යයේ කොරෝනා මරණ අනුපාතිකය විශාල වශයෙන් පහත දැමීමට සමත්ව ඇති බව එරට වෛද්‍ය විශේෂඥයන් පෙන්වා දී ඇත.
මෙය මිලෙන් අඩු ඖෂධයක් මෙන්ම පහසුවෙන් ලබා ගත හැකි ඖෂධයක්ද වන බැවින් දුප්පත් රටවල්වලට මෙය විශාල සහනයක් වනු ඇති බවද ඔවුන් පෙන්වා දී ඇත.
මේ වනවිට මෙම ඖෂධ භාවිතය ආරම්භ කිරීමත් සමග බ්‍රිතාන්‍ය ජාතිකයන් 5000කගේ පමණ ජීවිත බේරා ගැනීමට හැකි වී ඇති බව බීබීසී පුවත් සේවය වාර්තා කර ඇත.