ආමි සම්පත් නමැති අපරාධකරැ විසින් සිදු කළ බව කියන මිනිස් ඝාතන දෙකකට අදාළ නඩු ගොනු සහ පොලිස් වාර්තා සියල්ල ග්රෑන්ඞ්පාස් පොලිසියෙන් සහ අධිකරණයෙන් අතුරුදන්වීම සම්බන්ධයෙන් පුළුල් විමර්ශනයක් ආරම්භ කර ඇත.
ආමි සම්පත් සිදු කළ බව කියන මිනීමැරුම් දෙකකට අදාළ නඩු වාර්තා අලූත්කඬේ අධිකරණයෙන් අතුරුදන්වීම සම්බන්ධයෙන් කොළඹ ප්රධාන මහෙස්ත්රාත් ලංකා ජයරත්න මෙනවියගේ අධීක්ෂණය යටතේ විමර්ශනයක් ආරම්භ කර තිබේ. මෙම මිනීමැරුම් දෙකට අදාළ සියලූ විමර්ශන වාර්තා නඩු ගොනු ග්රෑන්ඞ්පාස් පොලිසියෙන් අතුරුදන්වීම සම්බන්ධයෙන් බස්නාහිර පළාත භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන්ගේ මූලිකත්වයෙන් වෙනම විමර්ශනයක් කි්රයාත්මක වේ.