20 අති භයානකයි.
20 වන ආණ්ඩුක‍්‍රම ව්‍යවස්ථා සංශෝධන පනත් කෙටුම්පත අති භයානක බව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග පවසයි. ඇය මේ බව පැවසුවේ ශ‍්‍රී ලංකා නිදහස් පක්ෂයේ, නිර්මාතෘ දිවංගත අග‍්‍රාමාත්‍ය එස්. ඩබ්ලිව්. ආර්. ඞී බණ්ඩාරනායක මහතාගේ 61 වැනි ගුණ සමරු උත්සවයට එක්වෙමිනි.
ශ‍්‍රී ලංකා නිදහස් පක්ෂය සිය පවුලේ බූදලයක් ලෙස නොසලකන බවයත් පොදු ජනතාවගේ නායකයකුට පක්ෂය දුන් නමුත් ඔහු නිසි ලෙස කටයුතු නොකළ බවත්, එම නායකයා පක්ෂය කෑලි කෑලිවලට ඉරා දැමූ බවත් හිටපු ජනාධිපතිනිය එහිදී පැවසීය.