මෙරට පිලිගත් මිණුම් ඒකකය වන්නේ මීටර් හා සෙන්ටි මීටරයි.
පොල් අලෙවි කිරිම සඳහා අඟල් වලින් ගෙඩියේ වට ප්‍රමාණය සඳහන් කරමින් නිකුත් කර ඇති ගැසට් නිවේදනය වලංගුතාවය සම්බන්ධයෙන් ප්‍රශ්නයක් ඇතැයි ජනතා විමුක්ති පෙරමුණේ නායක අනුර දිසානායක සඳහන් කරයි.
ඔහු පෙන්වා දෙන්නේ මෙම ගැසට් නිවේදනය නිකුත් කර ඇත්තේ වට ප්‍රමාණය අඟල් වලින් සදහන් කරමින් වුවද මෙරට පිලිගත් මිණුම් ඒකකය වන්නේ මීටර් සෙන්ටි මීටර බවයි. එනිසා කිසිවෙකු මෙම ගැසට් නිවේදනය පිලි නොපැද්දා කියා නඩු පැවරීමට හැකියාවක් නැති බවද ඔහු සඳහන් කළේය. තවද මෙම ගැසට් නිවේදනය සකස් කර ඇත්තේ ලංකාවෛ් මිනුම් ඒකක පිළිබදවව හෝ වැටහීමක් නැති අයෙක් බවද ඔහු පවසයි.
ජනාධිපති කොමිසම හමුවේ සාක්ෂි දීමට පැමිණීමෙන් අනතුරුව මාධ්‍ය වෙත අදහස් පළ කරමින් ඔහු මේ බව කියා සිටියේය.