ජනාධිපති සහ අගමැති කාර්යාල විගණකාධිපති විෂය පථයට.
ජනාධිපති ලේකම් කාර්යාලය සහ අග්‍රාමාත්‍ය කාර්යාලය විගණකාධිපතිවරයාගේ විෂය පථයට අයත් රාජ්‍ය ආයතන අතරට ගෙන ඒම සඳහා ආණ්ඩුව 20 වන ව්‍යවස්ථා සංශෝධනයට සංශෝධනයක් ඒමට නියමිත බව වාර්තා වේ. මෙම කාර්යාල දෙක විගණකාධිපතිවරයාගේ විෂය පථයෙන් බැහැර කිරීම සම්බන්ධයෙන් මීට පෙර රජයට විවේචන එල්ල විය.
තවත් සැලකිය යුතු වෙනසක් වනු ඇත්තේ ජනාධිපතිවරයාට පාර්ලිමේන්තුව විසුරුවා හැරීමට හැකිවන්නේ බලයට පත්වීමෙන් වසර දෙකහමාරකට පසුව පමණක් බව පැවසෙන විධිවිධානයක් ඇතුළත් කිරීමයි. මුල් කෙටුම්පතෙහි සඳහන් වූවේ එය වසරකට පසු කළ හැකි බවයි.