තවත් මාස දෙකක කාලයක්වත් නොවිඩ් එන්නත්වල වාර්තා අධ්‍යනය කළ යුතුයි.
කොවිඩ් 19 සඳහා දැනට අත්හදා බලා තිබෙන එන්නත් වර්ග 3 පිළිබඳ අවම වශයෙන් දෙසැම්බර් මාසය අවසන් වනතුරුවත් අධ්‍යනය කිරීමෙන් අනතුරුව අවසන් තීරණයක් ගැනීම සුදුසු බව ශ්‍රී ජයවර්ධනපුර විශ්ව විද්‍යාලයේ ප්‍රතිශක්තිවේදී හා අණුක වෛද්‍ය විද්‍යා අධ්‍යයන අංශයේ මහාචාර්ය නීලිකා මලවිගේ පවසා ඇත.
ඇමරිකාවේ නව එන්නත එංගලන්තයේ ඔක්ස්ෆර්ඩ් එන්නත, ඇමරිකාවේ මොඩනා එන්නත් යන එන්නත් තුනම තවම අත්හදා බලා ඇත්තේ මාස 2ක කාලයක් බවත් අවම වශයෙන් තවත් මාස දෙකක කාලයක්වත් මෙම එන්නත්වල වාර්තා අධ්‍යනය කළ යුතු බවත් ඇය පෙන්වා දී තිබේ.
අඇය පවසන පරිදි ඇමරිකාවේ නව එන්නත පුද්ගලයන් 45000ට සායනික පර්යේෂණයකට ලක්කර තිබෙන බවත් එම එන්නත ලබාදුන් 22500ගෙන් කොවිඩ් 19 වැළඳී ඇත්තේ පුද්ගලයන් 08දෙනෙකුට පමණක් බැවින් මෙම නව එන්නත හොඳ ප්‍රතිපල පෙන්වා තිබේ.
මෙම සියලුම එන්නත් තව මාස 2ක්වත් අධ්‍යනය කිරීමෙන් අනතුරුව කොපමණ කාලයකට කොවිඩ් වෛරසය ශරීරගත නොවී සිටිය හැකිද යන්න ගැන යම් අවබෝධයක් ලැබිය හැකි බවද ඇය පවසා තිබේ.