ඔබ වහන්සේලාගේ කීමටයි අපි මේ ආණ්ඩුවට ඡන්දය දුන්නේ…කුසගිනි නිවන්නැයි අභයාරාමය වටා දිගු පෝලිම්.
“ඔබ වහන්සේලාගේ කීමටයි අපි මේ ආණ්ඩුවට ඡන්දය දුන්නේ. දැන් අපිට ජීවත් වීමේ අයිතියක් නැති වේගෙනයි යන්නේ” ඒ නිසා මේ ආණ්ඩුවේ පාලකයින්ට, බලධාරීන්ට කතා කරල අපේ කුසගින්න නිවා ගන්නට අනුග්‍රහයක් දක්වන ලෙස ඉල්ලමින් ප්‍රදේශවාසී ජනතාව මේ වන විට නාරාහේන්පිට අභයාරාමය වටා දිගු පෝලිම් සෑදී සිටින බව ප්‍රකාශ කරමින් නාරාහේන්පිට අභයාරාමාධිපති පුජ්‍ය මුරුත්තෙට්ටුවේ ආනන්ද හිමියන් විසින් වීඩියෝ පටයක් නිකුත් කර තිබේ.
එම වීඩියෝ පටයෙන් මේ වන විට අභයාරාමය වටා ආධාර බලාපොරොත්තුවෙන් දිගු පෝලිම් ගැසී සිටින ප්‍රදේශවාසී ජනතාව දැක බලා ගැනීමට ද හැකියාව ලැබේ.