ගාල්ලේ කොවිඩ් අවධානම ඉහලට…..මළ ගෙදරකට පැමිණි දෙදෙනෙකුටත් කොවිඩ්.
ගාල්ල උක්වත්ත ප්රදේශයේ පැවැති මළ ගෙදරකට සහභාගී වූ තිදෙනෙකු කොවිඩ් ආසාදිතයන් බවට හඳුනාගෙන ඇතැයි වාර්තා වේ. පසුගිය 11 වැනි දා සිට 13 වැනි දා දක්වා මෙම අවමංගල්යය පවත්වා ඇති අතර එයට සහභාගී වීමට කොළඹ සිට පැමිණි බැංකු සේවකයකු කොරෝනා ආසාදිත බවට වාර්තාවීම හේතුවෙන් අවමංගල්ය පැවැති දිනවලදී එම නිවසට ගිය පිරිස් සොයා නිරෝධායනයට ලක්කර තිබිණි.
කොළඹ සිට පැමිණි බැංකු සේවකයා සමග මළ ගෙදර අතරතුර මත්පැන් සාදයක් පැවැත්වූ පිරිසක් අතරින් දෙදෙනකු කොරෝනා ආසාදිත බව ඊයේ (27) උදෑසන ලැබුණු PCR පරීක්ෂණවලින් තහවුරු වූ බව සෞඛ්ය අංශ පවසයි. ඔවුන් දෙදෙනාගෙන් එක් අයෙකු ගාල්ල නගරයේ රජයේ ප්රධාන කාර්යාලයක ගණකාධිකාරීවරයෙකු බවද වාර්තා වේ.