ජනපතිගේ කනේ ඇගිලි ගහගන්නම අනුර කියා දෙයි…..චන්ඩින්ට බය නොවන බවද පවසයි.
අවංක පුද්ගලයෙකුට තිබිය හැක්කේ එක් චරිතයක් පමණක් බව ජනතා විමුක්ති පෙරමුණේ නායක, පාර්ලිමේන්තු මන්ත්‍රී අනුර කුමාර දිසානායක පවසයි. ජනපති ගෝඨාභය රාජපක්ෂ විසින් පාර්ලිමේන්තු මන්ත්‍රී හරීන් ප්‍රනාන්දු සම්බන්ධයෙන් කළ ප්‍රකාශය පිළිබඳව සිය දැක්වීම සිදු කරමින් ඔහු ප්‍රකාශ කළේ අහිංසකගේ මෙන්ම අංගුලිමාලගේ චරිතයටද වුවාද පණ පෙවීමට හැකියැයි යන ඉඟිය ඒ හරහා ලබා දුන් බවයි.
ඔහු කිපිය යුතු දෑ පිළිබදව අනුර කුමාර දිසානායක සදහන් කළේ මෙසේය.
“ජනවරමට අනුව ඔහු කිපෙන්න තිබ්බා සීනි මිල රු 50කින් අඩුවට සීනි දෙන්න තිබ්බ එක ගැන, ගැසට් එක ගැහුවට පස්සේ ගැසට් එකට අනුව හාල් වික්කෙ නැත්තන් ඔහු කිපෙන්න තිබ්බා. වැඩි මිලකට පීසීආර් කට්ටල ගෙන ඒම සම්බන්ධව ඔහු කිපෙන්න තිබ්බා. සංචාරකයන් ලංකාවට ගෙන ඒමේ මේ පිස්සුව දිහා බැලුවම ඔහු කිපෙන්න තිබ්බා. ඔහු කිපුනේ සම්පූර්ණ නම කිව්වම ”
තව දුරටත් චණ්ඩිකම මත පදනම් වූ, ජනතාවට තර්ජනය කරන සහ බියවද්දන දේශපාලනය මෙරට තුල වලංගු නොමැති බව ජනපති ගෝඨාභයට සිහිපත් කරන බවද ඔහු වැඩි දුරටත් ප්‍රකාශ කර සිටියේය.
…ගමගේ…