අදානි කියන්නේ හොරෙක්….ඉන්දීය රහස් පරීක්ෂණ බියුරෝව (CBI) විසින්ම විමර්ශනයක්.
කොළඹ වරාය නැගෙනහිර පර්යන්තය මිලදී ගැනීමට ( “ආයෝජනයට”) සැරසෙන ඉන්දීය අදානි සමාගම වංචා දූෂණ රැසක් සම්බන්ධයෙන් චෝදනා ලැබූ ආයතනයක් බව හෙළි වී ඇත.
2013-17 අතර කාලයේ ගල්අඟුරු ගනුදෙනුවලින් ඉන්දීය රජයට ඉන්දීය රුපියල් කෝටි 97ක් පාඩු සිදු කිරීම සම්බන්ධයෙන් මේ වනවිටත් අදානි සමාගම සම්බන්ධයෙන් ඉන්දීය රහස් පරීක්ෂණ බියුරෝව (CBI) විමර්ශනය කරමින් සිටියි. එසේම ඔස්ට්‍රේලියාවේ සිදුකරන ලද ගල් අඟුරු ගනුදෙනුවකදී සිදුකළ වංචාවන් සම්බන්ධයෙන්ද අදානි සමාගමට චෝදනා නැගී ඇත. විශේෂයෙන් දේශපාලඥයන්ට සහ ඉහළ නිලධාරීන්ට අල්ලස් ලබාදීම සම්බන්ධයෙන් අදාළ සමාගමට දිගින් දිගටම චෝදනා නැගී ඇත.