වරාය නගර කොමිෂන් සභා පනත් කෙටුම්පතේ විවාදය කල් යයි.
කොළඹ වරාය නගර කොමිෂන් සභා පනත් කෙටුම්පත පිළිබද විවාදය අද දිනයේ නොපැවැත්වීමට කථානායක මහින්ද යාපා අබේවර්ධනගේ ප්‍රධානත්වයෙන් පැවති පාර්ලිමේන්තු කටයුතු පිළිබද කාරක සභා රැස්වීමේදී තීරණය කර තිබේ.
කොළඹ වරාය නගර ආර්ථික කොමිෂන් සභා පනත් කෙටුම්පත පිළිබදව ඉදිරිපත් වූ පෙත්සම් සම්බන්ධයෙන් ශ්‍රේෂ්ඨාධිකරණයේ තීරණය මෙතෙක් කථානායකවරයාට නොලැබීම හේතුවෙන් එම කෙටුම්පත සම්බන්ධයෙන් වන විවාදය අද දිනයේ නොපැවැත්වීමට තීරණය කළ බව පාර්ලිමේන්තුවේ මහලේකම් වරයා පවසයි.