අපේ ඉඩම් අපේ ජීවිතයයි අරගලය ඉදිරියට හා අරගලයේ ඉදිරිය
ලංකාවේ උතුරු, නැගෙනහිර හා දකුණු ප‍්‍රදේශවල සිදු වන මහ පරිමාණ ඉඩම් කොල්ලයන් හතක් සම්බන්ධයෙන් විශේෂ අවධානයට ලක් කරන වැඩමුළුවක් උක්ත තේමාව ඔස්සේ පැවැත්වීමට ඉඩම් අයිතිය සඳහා වන ජනතා සන්ධානය විසින් කටයුතු සම්පාදනය කර ඇත. මෙහි දී සාම්පූර්, පානම, වලිකාමම්, උමාඔය, කල්පිටිය, ඉරුදෙනියාය හා පල්ලිමුනේ ප‍්‍රදේශ වල සිදු වන මහ පරිමාණ ඉඩම් කොල්ලයන්ගේ වර්තමාන තත්ත්වය පිළිබඳව මෙහි දී විශේෂයෙන් අවධානයට ලක් කෙරේ.
මෙම ඉඩම් කොල්ලයට එරෙහිව පොදු ජනතාවගේ කි‍්‍රයාකාරීත්වය ගොඩනැගීම හා මෙම අරගලයන්ට අඛණ්ඩව නායකත්වය සපයන හා සහයෝගය ලබා දෙන පුද්ගලයින් ඇගයීම ද මෙහි දී සිදු කෙරේ.
මෙම වැඩමුළුව 2016 ඔක්තෝම්බර් මස 07 වන දින පෙ.ව. 09.30 සිට ප.ව. 01.30 දක්වා කොළඹ 07, හෝර්ටන් පෙදෙස, අංක 24 දරන ස්ථානයේ පිහිටි ලක්ෂ්මන් කදිරගාමර් මධ්‍යස්ථානයේ දී පැවැත්වේ.