නීති විරෝධී ස්ථානමාරුව අවලංගු කරණු.
ශ්‍රී ලංකා නිදහස් සමෘද්ධි පොදු කම්කරු සංගමයේ ලේකම් ජේ. එම්. එම්. ජී. ශාන්ත වහාම ක්‍රියාත්මක වන පරිදි බදුල්ල දිස්ත්‍රික්කය වෙත ස්ථාන මාරු කර ඇත.
දිවි නැගුම සංවර්ධන දෙපාර්තමේන්තුවේ ප්‍රධාන කාර්යාලයට අනුයුක්තව කළමණාකරන සහකාර තනතුරේ රාජකාරි කල ඔහු 29 වන දින සිදු කරන ලද උද්ගෝෂණයට සහය පල කිරීමත්, සක්‍රිය වෘත්තීය සමිති කටයුතු වල නිරතවීමත් මෙම හදිසි ස්ථාන මාරුවට හේතුවී ඇත.
ඔහුගේ ස්ථාන මාරුව අවලංගු කරන ලෙසත්, වෘත්තීය සමිති ආඥාපනතින් ලබා දී ඇති අයිතිය තහවුරු කරන ලෙසත් දන්වමින් සමෘද්ධි සංවර්ධන නිලධාරින්ගේ සංගමයේ ප්‍රධාන ලේකම් චාමර මද්දුමකළුගේ, එස්. බී. දිසානායක අමාත්‍යවරයා වෙත ලිපියක් යොමු කරමින් ඉල්ලා සිටියි.
