බැසිල්ට ඇප.
දිවිනැඟුම සංවර්ධන දෙපාර්තමේන්තුවට අයත් රු.දෙකෝටි අනූ ලක්ෂයක මුදලක් වැයකොට මහින්ද රාජපක්ෂ ගේ රුව යොදා ලිත් පනස් ලක්ෂයක් මුද්‍රණය කිරීමේ චෝදනාව ඇතුළු අධි චෝදනා 5ක් යටතේ නීතිපතිවරයා විසින් පවරා ඇති නඩුවේ 1වෙනි විත්තිකරු බැසිල් රාජපක්ෂ ඇප මත නිදහස් කර ඇත.
අදාළ නඩුව අද (15) කැඳවූ අවස්ථාවේදී රු. ලක්ෂයක මුදල් ඇප සහ රු. ලක්ෂ 5ක ශරීර ඇප දෙකක් මත මුදා සැකකරු මුදාහැරීමට කොළඹ මහාධිකරණ විනිසුරු ගිහාන් කුලතුංග නියම කළ බව වාර්ථා වේ.
කොළඹ මහාධිකරණය හමුවේ සැකකරුට එරෙහිව අධිචෝදනා පත්‍ර බාරදීම අද සිදුවූ අතර එම නඩුව විභාග ගැනීමට දින නියම කිරීමට මැයි 24 දින යළි නඩුව කැඳවීමට තීරණය කර තිබේ.