බුර්කා තහනම් සූදානමක.
මුස්ලිම් කාන්තාවන්ගේ බුර්කා ඇඳුම සහමුලින්ම තහනම් කිරීම ආණ්ඩුක්‍රම ව්‍යවස්ථා නීතියට පටහැණි වන හෙයින් එහි එක්තරා පාලනයක් සිදු කරන ලෙස ජර්මනියේ අභ්‍යන්තර කටයුතු භාර අමාත්‍යවරයා පවසයි.
බුර්කාව සම්පූර්ණයෙන් තහනම් කළ යුතු බව ජර්මනියේ ස්වදේශ කටයුතු භාර අමාත්‍ය තෝමස් ඩි මයිසියරේ මීට ඉහතදී පවසා තිබිණි.
අදාළ යෝජනාව නීතියක් වශයෙන් ක්‍රියාත්මක කිරීමට පෙර ඊට පාර්ලිමේන්තුවේ අනුමැතිය හිමි විය යුතු වේ.
ඒ සඳහා පාර්ලිමේන්තුවේ අනුමැතිය හිමි වුවහොත් පාසල්, ළදරු පාසල්, විශ්වවිද්‍යාල මෙන්ම රජයේ කාර්යාලවලත් මුහුණ සම්පුර්ණයෙන් ආවරණය වන බුර්කාව ඇඳීම තහනම් වේ.
එසේම බුර්කාව පැළඳ රිය පැදවීමත් තහනම් වනු ඇත.