හගුරන්කෙත අනියම් ආදරය මරණයෙන් කෙලවර වේ.
හගුරන්කෙත, ගලහ – ලෙවලන්වත්ත ප්‍රදේශයේදී කාන්තාවක ඝාතනය කර වළදැමීමේ සිද්ධියක් සම්බන්ධයෙන් පොලීසිය මේ වනවිට විමර්ශන ආරම්භ කර තිබේ.
මෙලෙස මිය ගොස් අත්තේ කුමාරි සුනේත්‍රාදෙවි නම් එක් දරු මවකි .
අදාළ කාන්තාවගේ අනියම් ස්වාමිපුරුෂයා විසින් එම ඝාතනය සිදු කර ඇති බවට තොරතුරු අනාවරණය වී ඇති අතර අදාල 28 හැවිරිදි අදාළ කාන්තාව පසුගිය ජනවාරි මස 21 වනදා සිට අතුරුදන්ව ඇති බවට පොලීසියට තොරතුරු ලැබී තිබුණි.
ඒ සම්බන්ධයෙන් සිදු කළ විමර්ශනවලදී එම කාන්තාව සිය අනියම් ස්වාමිපුරුෂයා සමඟ පදිංචිව සිටි නිවස තුළ වළදමා තිබූ ඇයගේ මළ සිරුර සොයා ගත් බව පොලීසිය සඳහන් කළේය.
සිද්ධියට අදාළ සැකකරු මේ වන විට ප්‍රදේශයෙන් පළාගොස් ඇති අතර ඔහු අත්අඩංගුවට ගැනීම සඳහා විමර්ශන ආරම්භ කර ඇති බව පොලීසිය සඳහන් කළේය.
සැකකරු වසර 10ක පමණ කාලයක සිට සිය අනියම් බිරිඳ මියගිය අය සමඟ අදාළ නිවසේ පදිංචිව සිටි ඇති බව වාර්තා වෙයි