ඉන්දියාවේ ඇසෑම් ප්රාන්තයේ වෙළඳපොළ සංකීර්ණයක ප්රහාරකයන් පිරිසක් විසින් සිදු කරනු ලැබූ වෙඩි තැබීමකින් අඩුම තරමින් පුද්ගලයන් දොළොස් දෙනෙකුවත් ඝාතනය වී ඇති බව ඉන්දියානු රාජ්ය ගුවන්විදුලිය නිවේදනය කරයි.
ඉන්දියාවේ තහනම් කරන ලද සංවිධානයක් වන ‘බෝදෝලෑන්ඩ් ජාතික ප්රජාතන්ත්රවාදී පෙරමුණේ’ (National Democratic Front of Bodoland) සාමාජිකත්වය දරන කැරලිකරුවෙක් ප්රහාර එල්ල කරමින් සිටින අතරතුර පොලිස් වෙඩි පහරින් මරා දැමුණු බවයි ඇසෑම් ප්රාන්ත පොලිස් කොමසාරිස්වරයා බීබීසියට කියා සිටියේ.ප්රහාරකයන් විසින් සිදු කළ වෙඩි තැබීම් සහ ග්රනේඩ් ප්රහාර හේතුවෙන් සාමාන්ය වැසියන් විශාල පිරිසක් තුවාල ලබා ඇති බවයි පොලිස් කොමසාරිස් වරයා වැඩි දුරටත් කියා සිටියේ.
මේ වන විටත් පොලිසිය සහ ප්රහාරකයන් අතර වෙඩි හුවමාරු වෙමින් පවතින බවයි වාර්තා වෙන්නේ.
ඊසානදිග ඉන්දියාවේ ජීවත් වන ගෝත්රික ජන සමූහ ඔවුන්ට වෙන්වූ නිදහස් පාලනයක් වෙනුවෙන් බොහෝ අවස්ථා වල රජයේ ආරක්ෂක අංශ සමග කැරලිකාරී ගැටුම් ඇතිකර ගනියි.