රනිල් ට සහ මෛත්‍රීට මේ රට භාර දීම පිංගුත්තරයන්ට ශ්‍රීයා කාන්තාව බාර දුන්නා වගේ.
රනිල් ට සහ මෛත්‍රීට මේ රට භාර දීම පිංගුත්තරයන්ට ශ්‍රීයා කාන්තාව භාර දුන්නා වගේ යැයි දකුණු පළාත් සභා එජනිස මන්ත්‍රී ෂම්මු ආරියවංශ පවසයි. පසුගියදා ගාල්ල රත්ගම ප්‍ර දේශයේ පැවති ඒකාබද්ධ විපක්ෂයේ ජනහමුවක දී වැඩිදුරටත් අදහස් දැක් වු ඔහු මෙසේ ද පැවසීය, අපි ඕක ඒ කාලේ කිව්වා නමුත් එදා නොතේරුණු අයට මේක දැන් තේරෙන්න ඇති කියලා හිතෙනවා.
දෙනවයි කියපු අපමණ අගය දැන් දැන් අපුරුවට ලැබිලා තියෙනවා. අද මේ ජනතාවට පේන්න තියනවා මේ රජය බුදු පිළිමයට දෙන අපමණ අගය, පිං කැටේට දෙන අපමණ අගය, හාමුදුරුවන්ට , මේ රටේ ඉඩම් වලට, විශ්ව විද්‍යාල සිසුන්ට ඔලු පැලෙන්න දීපු අපමණ අගය අපමණයි. මොලේ නැති ආණ්ඩුව මොලේ තියන දරුවන්ගේ ඔලු පලනවා. ආණ්ඩුව දන්නව මේ විදියට ආණ්ඩුවට ඉදිරි ගමණක් නෑ ගියලා. ඔවුන් මර්ධනයේ හස්තය දිගු කරමින් මේ උද්ඝෝෂණ නැවැත්වීමට කරන උත්සාහක් මේ වන විට තියනවා. දැන් මේ වසර 2-3 තුල රටට කර හෙනය කවුරු බලයට පත් වුවත් නිවැරදි කරන එක ලේසි වැඩක් වෙන එකක් නෑ. අන්තිමට මේ රටට මේ කරපු හෙනයට පියවරු කවුරුත් නැති වෙනවා. හැමෝම ඇඟ බේර ගනීවි. හරියට ඇමතිවරු ලෙඩ වුනාම සිංගප්පුරු රෝහල් වලට යනවා වගේ. මේ කරන දේවල් වල ප්‍රතිඵලය ලැබෙන්නේ මේ රටේ සාමාන්‍ය ජනතාවට. අද රටේ උද්ඝෝෂණ ඇරුණාම කිසිම දෙයක් හරියට වෙන්නේ නෑ. යැයිද ඔහු වැඩිදුරටත් පැවසීය.
සුනෙත් ගාල්ලගේ- ගාල්ල