පෙල්ප්ස් ට වාර්තාගත 21 වැනි රන් පදක්කමත්.
අමතක නොවන ඔලිම්පික් ශක්ති ප්‍රදර්ශනයකදී මයිකල් පෙල්ප්ස් තවත් අවසාන ඉසව් දෙකක් ජයග්‍රහණය කරමින් ඔහුගේ ඓතිහාසික වාර්තාව රන් පදක්කම් සංඛ්‍යාව 21 දක්වා ඉහළට ගෙන ආවේය.
ජපානයේ මසටෝ සකායි නිමේෂයකින් පරදවමින් මීටර 200 සමනල ආර ඉසව්ව ජය ගත් පෙල්ප්ස් ඊට පැයකට පමණ පසුව අමෙරිකානු මීටර 200 x 4 නිදහස් ආර සහාය පිහිනුම් කණ්ඩායම ජයග්‍රහණය කරා ගෙන ගියේය.
දැන් 31 වැනි වියෙහි පසුවන පෙල්ප්ස්, වඩාත්ම වයස්ගත ඔලිම්පික් පිහිනුම් රන් පදක්කම්ලාභියා වෙයි. ඔහු තවමත් ජගත් පිහිනුම් තටාකයේ ‘මාස්ටර්’ වෙයි.
චැඩ් ලි ක්ලොස් නමැති තමාගේ පැරණි ප්‍රතිවාදියා පරාජය කරමින් ඔලිම්පික් උළෙල පහකදී සිය 20 වැනි රන් පදක්කම දිනා ගත් පෙල්ප්ස්, ඡායාරූපවලට මුහුණ දුන්නේ රෝම අගරජ කෙනෙකු ලෙසිනි. හැඟුම්බර වූ පදක්කම් ප්‍රදාන අවස්ථාවකින් පසුව පෙල්ප්ස් තමාගේ ආදරවන්තිය වන නිකොල් ජොන්සන් හා ඔවුන්ගේ දරුවා වන බූමර් වෙත පැමිණ ඔවුන් සිප ගත්තේය.