ආයුර්වේද සම්භාහන මධ්‍යස්ථානයක් නමින් පවත්වාගෙනගිය ගණිකා මඩමක් – පොලීසිය වටලයි.
නාරාහේන්පිට, නාවල ප්‍රදේශයේ ආයුර්වේද සම්භාහන මධ්‍යස්ථානයක් මුවාවෙන් පවත්වාගෙන ගිය ගණිකා නිවාසයක් පොලිස් විශේෂ කාර්යයේ වැලිකඩ උප ඒකකයේ නිලධාරීන්, අළුත් කඩේ මහේස්ත්‍රාත් අධිකරණයෙන් ලබාගත් සෝදිසි වරෙන්තුවකට අනුව වටලා ඇත.
එහිදී ගණිකා නිවාසයක් පවත්වාගෙන යාම සහ කළමනාකරණය කිරීම සම්බන්ධයෙන් සැකකරුවෙකු හා ගණිකා වෘත්තියේ යෙදීම සම්බන්ධයෙන් සැකකාරියන් 04 දෙනෙකු අත්අඩංගුවට ගෙන ඇත.
අද (18) දින ඔවුන් අළුත් කඩේ මහේස්ත්‍රාත් අධිකරණය වෙත ඉදිරිපත් කිරීමට නියමිතය.