ආරක්ෂක මාණ්ඩලික ප්‍රධානී අත්අඩංගුවට ගන්නැයි නියෝග.
ආරක්ෂක මාණ්ඩලික ප්‍රධානී අද්මිරාල් රවින්ද්‍ර විජේගුණරත්න අත්අඩංගුවට ගන්නා ලෙස කොටුව මහේස්ත්‍රාත් අධිකරණය, අපරාධ පරික්ෂණ දෙපාර්තමේන්තුවට නියෝග කර ඇත. ඔහු ලබන මස 09 වනදා හෝ ඊට පෙර අත්අඩංගුවට ගෙන අධිකරණයට ඉදිරිපත් කරන ලෙස කොටුව මහේස්ත්‍රාත් රංග දිසානායක නියෝග කර තිබේ.
අත්අඩංගුවට ගැනීමට වරෙන්තු නිකුත් කර තිබූ හිටපු ලුතිතන් කමාන්ඩර් ප්‍රසාද් හෙට්ටිආරච්චි යන සැකකරුට අධිකරණය මගහැර නාවික හමුදා මූලස්ථානය තුළ සැගවී සිටිමට ආධාර අනුබල ලබාදුන් බවට එවකට නාවික හමුදාපතිවරයාව සිටි අද්මිරාල් රවින්ද්‍ර විජේගුණරත්න ට චෝදනා එල්ල වී තිබේ. ඒ සම්බන්ධයෙන් සාක්ෂි ඉදිරිපත්ව තිබියදීත් ඔහුට එරෙහිව නීතිමය පියවර නොගැනීම බලවත් අගතියක් බව අගතියයට පත් පාර්ශවයේ නිතිඥවරිය අද අධිකරණය හමුවේ පෙන්වා දුන් බව සඳහන් වේ.