ගිනි අවි ළඟ තබා ගැනීම සඳහා වන අණ පනත් සංශෝධනයට තමන් සිය සහය දෙන බව ඇමෙරිකානු ජනපති ඩොනල්ඩ් ට්රම්ප් ප්රකාශ කළ බව විදෙස් මාධ්ය සඳහන් කර සිටී.
එමෙන්ම ධවල මන්දිරය නිවේදනයක් නිකුත් කරමින් ප්රකාශ කර ඇත්තේ, ගිනි අවියක් මිලදී ගැනිමේදී පසුබිම් පරීක්ෂා සිදු කිරීමේ ක්රමවේදය තවදුරටත් තර කිරීමට ජනාධිපති ට්රම්ප් සිය සහයෝගය ලබා දීමට සූදානම් බවයි.
මේ පිළිබඳව ඔහු රිපබ්ලිකන් සෙනෙට් සභික ජෝන් කෝර්නින් සමග සාකාච්ඡා කර ඇති බවත්, එහිදී කිසියම් පුද්ගලයෙකු ගිනි අවියක් මිල දී ගැනීමට පෙර කළ යුතු පසුබිම් පරීක්ෂණ සම්බන්ධයෙන් ද්විපාර්ශවීය පනතක් සැකසිය යුතු බවත් යෝජනා කර ඇති බව සඳහන් වේ.