පළාත් පාලන ආයතනවල සභා ස්ථාපිත කිරීමේදී නීතියෙන් අනිවාර්ය කර තිබෙන 25% කාන්තා නියෝජනය නොසලකා හැරීමට දේශපාලන පක්ෂ නායකයෝ පොදු එකඟතාවකට පැමිණ ඇතැයි සඳහන් වේ. පාර්ලිමේන්තුවේ පසුගියදා පැවති පක්ෂ නායක රැස්වීමේදී මෙම තීන්දුව ගෙන ඇති අතර, එම රැස්වීම සඳහා පක්ෂ නායකයින්ට අමතරව ජාතික මැතිවරණ කොමිෂන් සභාවේ සභාපති හා සාමාජිකයින්ද, පළාත් සභා අමාත්යවරයා හා එම අමාත්යාංශයේ ලේකම්වරයාද, නීතිපතිවරයා හා නීති කෙටුම්පත් සම්පාදකද එක්වූ බවත් පැවසේ.
පළාත් පාලන ආයතනවල කාන්තා නියෝජනය අනිවාර්ය කිරීම නිසා ප්රයෝගික ගැටළු නිර්මාණය වී තිබීම මීට හේතුවී ඇතැයිද සඳහන් වේ.