අග්නිදිග සරසවිය වසා දැමෙයි.
අග්නිදිග විශ්ව විද්‍යාලය දින නියමයක් නොමැතිව වසා දැමීමට විශ්ව විද්‍යාලයේ පාලනධිකාරිය කටයුතු කළ බව එහි ලේඛාධිකාරි අබ්දුල් සතාර් පවසයි. තාක්ෂණ පීඨයේ සිසුන් පස්දෙනෙකුගේ විශ්ව විද්‍යාල ශිෂ්‍යභාවය අහෝසි කිරිම සහ සහ පන්ති තහනම් කරන ලද සිසුන් ගේ පන්ති තහනම ඉවත් කරන ලෙස ඉල්ලා තාක්ෂණ පීඨයේ සිසුන් විරෝධතා පැවත්වු අතර එයට පිළිතුරක් නොලැබීම හේතුවෙන් සිසුන් විසින් පසුගියදා පරිපාලන ගොඩනැගිල්ල අත් පත් කරගෙන තිබුණි.
දැනට දින 08 ක පමණ කාලයක් අග්නිදිග විශ්ව විද්‍යාලය තුළ කිසිම පරිපාලන කටයුත්තක් සිදු නොවු අතර සිසුන්ගේ ගැටළු වලට විසදුම් ලබාදෙනවා වෙනුවට විශ්ව විද්‍යාල පරිපාලනය ඊයේ දින නියමයක් නොමැතිව විශ්ව විද්‍යාලය වසා දැමීමට තීරණය කරන ලදි.
මේ පිළිබද විරෝධය දක්වන තාක්ෂණ පීඨයේ සිසුන් පවසනුයේ ආසාධාරණ ලෙස සිදුකරන ලද ශිෂ්‍ය භාවය අහෝසි කිරිම සහ පන්ති තහනම ඉවත් කරනතුරු තම අරගලය දිගටම පවත්වන බවයි.