ඖෂධ හා නවීන වෛද්ය උපකරණ මිලදී ගැනීමේ දී ඉන් ජනතාවට ලැබෙන ප්රතිලාභයට වඩා විශාල මුදලක් අක්රමිකතාවයට ලක්වීම බටහිර වෛද්ය ක්ෂේත්රය තුළ ප්රබල ගැටලුවක් බවට පත්ව ඇතියි ජනාධිපති මෛත්රීපාල සිරිසේන සඳහන් කර සිටී.
ජනාධිපතිවරයා මේ බව ප්රකාශ කළේ මනම්පිටිය ග්රාමීය ආයුර්වේද රෝහලේ නව වාට්ටු සංකීර්ණය ජනතා අයිතියට පවරාදීමේ අවස්ථාවට එක් වෙමිනි.
බටහිර වෛද්ය විද්යාව කෙතරම් දියුණු වුව ද මෙරට දේශීය වෛද්ය ක්රමයේ වටිනාකම් තවමත් යටපත් කිරීමට නොහැකි වී ඇති බව ද ජනාධිපතිවරයා මෙහිදී පෙන්වා දුන්නේය.