දෙපාර්ශවය එක්ව මැතිවරණයට ඉදිරිපත් නොවීමේ ප්රතිඵල මැතිවරණය අවසානයේ දැකගත හැකිවනු ඇතැයි බස්නාහිර පළාත් ප්රධාන අමාත්ය ඉසුර දේවප්රිය කියා සිටී. අමාත්යවරයා මෙම අදහස් පළකර සිටියේ, නගර සභා කීපයක ඇප මුදල් තැම්පත් කිරීමෙන් පසු මාධ්ය වෙත අදහස් දක්වමිනි.
එසේම අමාත්යවරයා වැඩිදුරටත් කියා සිටියේ ඒකාබද්ධ විපක්ෂය හෝ ශ්රීලනිපයේ කණ්ඩායම් දෙක හෝ එකට එක්ව මැතිවරණය සඳහා මුහුණදීමට උත්සාහ ගත යුතු වුවත් ඒකාබද්ධ විපක්ෂයෙන් ඊට සාධාරණ විසඳුමක් නොලැබුණ බවය.
එමෙන්ම පුංචි ඡන්දය පිළිබඳව ඒකාබද්ධ විපක්ෂයේ හා සන්ධානයේ ඇතැම් නවක මන්ත්රීවරුන්ගේ හැසිරීමෙන් ඔවුන්ගේ දේශපාලන විඥාණය පිළිබඳ මනා ලෙස විද්යාමාන වන බවත් හිටපු ජනාධිපතිවරයා පවා එකඟ වූ ඇතැම් කාරණා ඔවුන් ප්රතික්ෂේප කළ බවත්, පළාත් ප්රධාන අමාත්යවරයා වැඩිදුරටත් කියා සිටියේය.