කිලිනොච්චියේදී පුද්ගලයින් තිදෙනෙකු තියුණු ආයුධවලින් කපා දමයි.
කිලිනොච්චිය, පරන්තන් ප්‍රදේශයේදී ඊයේ (17) සවස පුද්ගලයින් තිදෙනෙකු තියුණු ආයුධවලින් කපා දමා ඇති බව කිලිනොච්චිය පොලිසිය පවසා ඇත. කිලිනොච්චිය පොලිසිය තවදුරටත් පවසා ඇත්තේ, තියුධ ආයුධ රැගත් කණ්ඩායමක් විසින් පරන්තන් ප්‍රදේශයේ පුද්ගලයින් තිදෙනෙකු එලෙස කපා දමා ඇති බවයි. තුවාලකරුවන් කිලිනොච්චිය රෝහල් හදිසි අනතුරු ඒකකයට ඇතුළත් කොට ඇති බව සඳහන් වේ. මෙය පෞද්ගලික ආරවුලක්ද නැතහොත් සංවිධානාත්මක කණ්ඩායමක් විසින් සිදුකරන ලද ක්‍රියාවක්ද යන්න පරීක්ෂණ කරන බව පොලිසිය තවදුරටත් ප්‍රකාශකර ඇත.