පොඩි ලැසීට ඇප.
ජනපති, ආරක්ෂක ලේකම් සහ බන්ධනාගාරයේ ඉහළ නිලධාරීන්ට තර්ජනය කළේයැයි චෝදනා ලබා සිටින සංවිධානාත්මක අපරාධ කල්ලි සාමාජිකයකු ලෙස සැළකෙන පොඩි ලැසී නැමැත්තාව ඇප මත මුදා හැරීමට අද (16) අධිකරණය නියෝගකර තිබේ.
මේ අතර අධිආරක්ෂිත බන්ධනාගාරයක් වන බූස්ස බන්ධනාගාරයේ රඳවා සිටියදීත් පොඩි ලැසී නැමැත්තා කිලෝග්‍රෑම් 5ක බරකින් යුත් රූපලාවන්‍ය ද්‍රව්‍ය භාවිතකර ඇති බවට විවෘත අධිකරණයේදී සඳහන් වී තිබේ.
එහිදී වැඩිදුරටත් අවධානය යොමු කර ඇත්තේ අධිආරක්ෂිත බන්ධනාගාරයක් වෙත එම ද්‍රව්‍ය රැගෙන ගියේ කෙසේද යන්න කෙරෙහිය.ඇප නියම වුවත් පොඩි ලැසී නැමැත්තා තවදුරටත් රඳවා ගැනීමේ නියෝග මත අපරාධ පරීක්ෂණ දෙපාර්තමේන්තුව විසින් භාරයට ගෙන තිබේ.