ඒකාබද්ධ වෘත්තීය සමිති විරෝධතා පාගමනකින් පැමිණ මුදල් අමාත්‍යංශයෙන් තම ඉල්ලීම් ඉල්ලයි.
ඒකාබද්ධ වෘත්තීය සමිති එක්ව පවත්වන ලද රැලියක් සහ පාගමනක් ඊයේ (23) කොළඹ ජාතික රෝහල අසලින් ආරම්භ වූ අතර පාගමන ඇරභීමට ප්‍රථම රැලිය සහ පෙළපාලිය සදහා සෞඛ්‍,ය ගුරු, වතු, සංවර්ධන නිලධාරී, රැකියා විරහිත උපාධිධාරී සංගම්, පළාත් පාලන ආයතන සේවක සංගම්, පෞද්ගලික සේවක මධ්‍යස්ථානය ඇතුළු වෘත්තීය සමිති නියෝජනය කරමින් එහි කියෝජිතයින් වන ටැම්පිටියේ සුගතානන්ද හිමි, සංජීව බණ්ඩාර, නිහාල් තොටගමුව , ධම්මික මුණසිංහ, තැන්ණේ ඥානාන්ද හිමි, ප්‍රභාත් නයන, ප්‍රියන්ත කුමාර ඇතුළු වෘත්තීය සමිති නායකයින් මෙන්ම කම්කරු අරගල මධ්‍යස්ථානයේ සංවිධායක ලේකම් දුමින්ද නාගමුව විසින් රැලිය අමතනු ලැබීය.
ඔවුන් සියලු දෙනාම පැමිණ සිටි පිරිස අමතමින් සදහන් කළේ වෙන් වෙන්ව සටන් කිරීම තුලින් අයිතීන් දිනා ගැනීමට නොහැකි බවයි. එමෙන්ම වෙන් වෙන්ව අයිතීන් ඉල්ලා අරගල කිරීමේදී ආණ්ඩුව විසින් එම අරගල දියාරු කිරීම සදහා යම් යම් උපායන් බාවිතාකරන බව පෙන්වා දුන් ඔවුන් සදහන් කළේ එක් වෘත්තියක නිරත පිරිස් ඉල්ලීම් ඉල්ලා අඛණ්ඩ වර්ජනයක් සදහා යාමට උත්සහ කරන අවස්තාවක ඒ සදහා යුද හමුදාව යෙදවීම සදහා ආණ්ඩුවේ සූදානමක් ඇති බවයි. එයට හොදම උදාහරණය නම් මේ දිනවල සෞඛ්‍ය කිනිෂ්ඨ කාර්ය මණ්ඩල ඉල්ලීම් ඉල්ලා අඛණ්ඩ වර්ජණයකට යාමට සූදානම්ව සිටින මොහොතක ඒ සදහා යුද හමුදාව යෙදවීමේ සැලසුමක් ඇති බව ඔවුන් පෙන්වා දුන්නේය.
එබැවින් ඉල්ලීම් දිනා ගැනීම සදහා උපාධිධාරි පත්වීම් ලැබ සිටින අයගේ සිට රටේ පවතින අධ්‍යාපන විෂමතාව අනුව පහළම අධ්‍යාපන මට්ටම අනුව පත්වීම් ලැබ සිටින සියලුම දෙනා සටනට එක්කිරීමට හැකිවීම සියලුම දෙනාගේ ඉල්ලීම් දිනා ගැනීම සදහා පහසුම ක්‍රමය බව රැළිය අමතමින් දුමින්ද නාගමුව සදහන් කළේය. එමෙන්ම සටන් දියාරු කිරීම සදහා ආණ්ඩුව උපක්‍රම සොයද්දී සියලු සටන් එක වේදිකාවකට ගෙන ඒම තුලින් ආණ්ඩුව මේ වන විට තැති ගැන්මකට පත්ව සිටින බවත් සටන යන ආකාරය තීරණය කරන්නේ උබලා නොව වැඩකරන ජනතාව බවත් එයට හොදම උදාහරණය ජාතික රෝහල ඉදිරිපිටින් අද මේ ආරම්භ කරන ඒකිබද්ධ සටන බවත් ප්‍රකාශ කරමින් පාගමන ආරම්භ කිරීමට කටයුතු කළේය.
පාගමනින් විරෝධතාවයේ නිරත පිරිස් මුදල් අමාත්‍යංශය දක්වා පැමිණි අතර එහිදී පැමිණ සිටි පිරිසෙන් 10 දෙනෙකුට මුදල් අමාත්‍යංශ නිලධාරීන් සමග සාකච්ඡාවක නිරතවීම සදහා අවස්තාව ලැබුණි. සාකච්ඡාවෙන් අනතුරුව පැමිණි වෘත්තීය සමිති නියෝජිතයන් සදහන් කාළේ තම ඉල්ලීම් ඇතුලත් සංදේශය බාරදුන් බවත් නමුත් වගකීමකින් ප්‍රකාශයක් කිරීමට කිසිවෙකු හෝ ඉදිරිපත් නොවූ බවත්ය. අද පැමිනියේ ඉල්ලීම් ඉදිරිපත් කිරීමට බවත් ඉල්ලීම් සදහා පිළිතරු ලැබෙන ආකාරය දෙස බලා සිටින බවත් අවශ්‍ය නම් මීටත් වඩා සද්දෙට ආණ්ඩුවට දැනෙන ආකාරයට ඉල්ලීම් දිනා ගැනීම සදහා පැමිණිය හැකි බව ආණ්ඩුවට මතක් කරමින් විරෝධතාව අවසන්කරන ලදි. එක් එක් වෘත්තීන්ට අදාලව ඇති ගැටළු සහ ඉල්ලීම් ඇතුලත් මුදල් අමාත්‍යංශයට බාරදුන් සංදේශය පහතින් දැක්වේ.
…ගමගේ…