රුපියල් තිස්නව ලක්ෂයක් වංක ලෙස භාවිත කර සාපරාධී සාවද්ය පරිහරණය ඇතුළු අධි චෝදනා මත නීතිපතිවරයා පවරා ඇති නඩුව සම්බන්ධව ලබන මැයි මස 22 වැනිදා කොළඹ මහාධිකරණය හමුවේ පෙනි සිටින ලෙස දන්වා පාර්ලිමේන්තු මන්ත්රී මහින්දානන්ද අලුත්ගමගේට මහාධිකරණය විසින් සිතාසි නිකුත් කර ඇත.
අධි චෝදනා තුනක් යටතේ නීතිපතිවරයා පවරා ඇති මේ නඩුව ඔප්පු කිරීමට ලේඛන 8ක් හා සාක්කිකරුවන් 13දෙනෙක් ඉදිරිපත් කිරීමට බලාපොරොත්තු වන බව නීතිපතිවරයා කොළඹ මහාධිකරණයට දන්වා ඇත.
2012 ඔක්තෝබර් 31 කොටුව හා නාවලදීත්, 2012 දෙසැම්බර් 14 හා 2013 අප්රේල් 19 යන දිනයන්හි ශ්රී ජයවර්ධනපුර කෝට්ටේදීත් ශ්රී ලංකා නිදහස් කම්කරු කොංග්රසය යන වෘත්තීය සමිතියට අයත් නාවල පිහිටි මහජන බැංකු ශාඛාවේ වූ ගිණුමෙහි විත්තිකරුවන් භාරයට පත් කර තිබූ රුපියල් තිස්නව ලක්ෂයක මුදල සාපරාධී සාවද්ය පරිහරණය වංක ලෙස භාවිත කිරීම හා සාපරාධී විශ්වාසය කඩ කළ බවට නීතිපතිවරයා අධිචෝදනා නඟා ඇත.