උතුරු මැද පළාත් අමාත්යවරයෙකු ලෙස කටයුතු කළ එස් එම් රංජිත්ගේ ඉල්ලා අස්වීමෙන් පුරප්පාඩු වූ පළාත් ප්රවාහන, කී්රඩා, යෞවන කටයුතු සහ වෙළද අමාත්ය ධූරය සඳහා සුසිල් ගුණරත්න පත් කිරීමට කටයුතු කර ඇත. සුසිල් ගුණරත්න මන්තී්රවරයා මීට පෙර ඒකාබද්ධ විපක්ෂය මන්තී්ර කණ්ඩායම සමග කටයුතු කළ අයෙක් විය.
උතුරු මැද ප්රධාන අමාත්යවරයාට එරෙහිව එම පළාත් සභාවේ එක්සත් ජනතා නිදහස් සන්ධානය නියෝජනය කළ 16 දෙනකු සමග එක්ව ඊයේ දිනයේ දිවුරුම් ප්රකාශයක් ලබාදුන් සුසිල් ගුණරත්න මන්තී්රවරයා අද (16) දිනයේ තමන් ප්රධාන අමාත්යවරයාට සහය පළ කරන බව කියා සිටියේ පළාත් ප්රවාහන, ක්රීඩා, යෞවන කටයුතු, කර්මාන්ත හා වාණිජ කටයුතු අමාත්යවරයා ලෙස දිවුරුම් දීමෙන් අනතුරුවය.
අද දෙන දිවුරුම් ප්රකාශයක් හෙට දෙන දිවුරුම් ප්රකාශයකින් බල රහිත වන බවත්, දිවුරුම් ප්රකාශ යනු එතරම් ගණන් ගත යුතු දෙයක් නොවන බවත් ප්රධාන අමාත්යවරයා තමාට බොහෝ උපකාර කළ අයෙකු බවත්, ඒ අනුව අද දිනයේ අමාත්ය ධූරය ලබාගත් බවත්, හෙට දිනයේ වැඩ බාර ගන්නා බවත් පළාත් නව අමාත්යවරයා සඳහන් කළේය.