එට්කා සාකච්ඡාවලට විරෝධයක් නැහැ.
ඉන්දියාව සමඟ අත්සන් කිරීමට නියමිත එට්කා ගිවිසුමට අදාළ සාකච්ඡාවලින් වෘත්තිකයන් නැගිට ඉවත්ව ගිය බවට පළවූ වාර්තා අසත්‍ය බව ජාතික ප්‍රතිපත්ති හා ආර්ථික කටයුතු අමාත්‍යාංශය පවසයි.
වෘත්තිකයන්, ව්‍යාපාරික සංගම් සහ වෘත්තිය සමිති සමඟ ආණ්ඩුව තවමත් මේ සම්බන්ධයෙන් සාකච්ඡා කරන බවයි එම අමාත්‍යාංශය නිකුත් කළ නිවේදනයක සදහන් වේ..
රජය ආර්ථික සහ වෙළඳ ගිවිසුම්වලට එළඹීම සඳහා ඉන්දියාව, චීනය සහ සිංගප්පූරුව යන රටවල් සමඟ සාකච්ඡා කරමින් සිටි.
ආණ්ඩුවෙහි ප්‍රතිපත්තිය වන්නේ ශ්‍රී ලංකාව ඉන්දියන් සාගරයේ කේන්ද්‍රස්ථානය බවට පත් කිරීමටයි.
මෙම සියලු සාකච්ඡාවල අරමුණ වන්නේ රැකියා දශලක්ෂයක් බිහිකර ග්‍රාමීය ආර්ථිකය යළි පණගැන්වීම බවද එම නිවේදනයේ සඳහන්.
එමෙන්ම ජාතික සංවර්ධන සැලැස්මෙන් ආදායම් යෝජනා ඉවත් කර ඇති බවට පළවන වාර්තාද අසත්‍ය බවයි එම අමාත්‍යාංශය තවදුරටත් ප්‍රකාශ කළේය.