වාහන ගැටුම ඇවිළේ.නිමල්ට ගෙදර යන්නලු.
කැබිනට් මණ්ඩලය පවා අනුමත කර තිබියදී රුපියල් හත් ලක්‍ෂයක මාසික කුලියට මන්ත්‍රීන්වරුන්ට වාහන ලබා ගැනීමට විරුද්දව කටයුතු කරන ජනමාධ්‍ය හා පාර්ලිමේන්තු ප්‍රතිසංස්‌කරණ අමාත්‍යාංශ ලේකම් නිමල් බෝපගේ වහා එම තනතුරෙන් ඉවත් කරන ලෙස ආණ්‌ඩුවේ පසු පෙළ මන්ත්‍රීන් 58 දෙනකු විසින් ජනපතිට හා අගමැතිට ලිපියක්‌ ලබා දීමට කටයුතු සූදානම් කරමින් සිටින බව වාර්ථා වේ.
මෙම මන්ත්රී කණ්ඩායම පෙන්වා දෙන්නේ වාහන ලබා දෙන්නේ තම මැතිවරණ කොට්‌ඨාසයන්හි ජනතා සේවයට සක්‍රීයව දායක වීමට බවය.
අදාල වාහන සදහා කුලිය ගෙවුවද ඒවා ආපසු රජයට අයිතිවීමේ යාන්ත්‍රණයක්‌ සකසා තිබියදීත් ලේකම්වරයා එය නොපිලිගෙන කටයුතු කිරීම දැඩි ගැටලුවක්‌ බවද මෙම මන්ත්රී පිරිස කියා සිටිති.