‘අමරදේව සංගීත අසපුව’ ‘අපේ ගම’ පරිශ්‍රයේ ඉදිකෙරේ.
ශ්‍රී ලාංකේය සංගීත ක්ෂේත්‍රයට නොමැකෙන සේවාව සිදුකල හෙළයේ මහා ඝාන්ධර්වයාණෝ නමින් විරැදාවලි ලත් සංගීත විශාරද ඩබ්. ඩී. අමරදේවයන්ගේ සිහිනය වූ ‘අමරදේව සංගීත අසපුව’ පිහිටුවීමේ මහා කාර්යට රජය මුලු පුරා ඇති බව වාර්ථාවේ. පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක පසුගියදා බත්තරමුල්ල ‘අපේ ගම’ පරිශ්‍රයේ හා ඒ යාබද පිහිටි මනා සොබාදහමක මෙම සංගීත අසපුව ඉදිකිරීම වෙනුවෙන් භූමිය නිරීක්ෂණයට ගිය අතර ඒ සඳහා අමරදේව මහත්මිය හා පුතණුවන් මෙන්ම අමාත්‍ය එස්. බී. නාවින්න, නියෝජ්‍ය අමාත්‍යවරුන් වන ලසන්ත අලගියවන්න, කරුණාරත්න පරණවිතාන යන අයද එක්වූහ. මෙහිදී අසපුව සඳහා අවශ්‍ය භූමි වපසරිය පරීක්ෂා කිරීම මෙන්ම ඉදිකිරීම් සිදුවිය යුතු ආකාරය පිළිබඳව මූලික කතාබහක නියැලුණි.
