ජීවිතයේ නොයා යුතු තැන ගැන දැනුවත් කෙරේ.
ජීවිතයේ නොයා යුතු තැන ගැන දැනුවත් කිරිමේ විශේෂ වැඩසටහන් පසුගිය පොහොය දින ගාල්ල පිලාන පුරාණ රජමහා විහාර පරිශ්‍රයේදී විශාල ජනතාවකගේ සහභාගීත්වයෙන් පැවැත්විණි.
නොයා යුතු තැන වැඩසටහන තුලින් බන්ධනාගාරයක් ඇතුලත විදීමට සිදුවන දෑ පිළිබදව ජනතාව දැනුවත් කිරීම වාචික හා වීඩියෝ දර්ශණ මඟින් සිදු කරන ලදී. ජනතාව වැරදි වලින් ඈත්කරවීම මෙම වැඩ සටහනේ ප්‍රධාන අරමුණක් බව ගාල්ල බන්ධනාගාර අධිකාරි ජගත් වීරසිංහ පවසයි. මෙම වැඩසටහන සදහා සම්පත්දායකයින් ලෙස ගාල්ල බන්ධනාගාර අධිකාරි ජගත් වීරසිංහ සහ පුනරුත්ථාපන නිළධාරි ජයන්ත අදාසූරිය සහභාගී වූ අතර පරිඝණක තාක්ෂනික සහායක ලෙස නියාමක ඩි.ජි.ජි.එල් සම්පත් සහ සහායක නිළධාරින් ලෙස නියාමක හරිත් ඩි ගමගේ හා ඒ.එල්.කේ පතිරණවසම් යන බන්ධනාගාර නිළධාරින් මෙම වැඩසටහන සදහා සහභාගී විය.
චින්තක හේවාමාන්න -ගාල්ල
