හොර නෝට්ටු තොගයක් මතුගමින් අසුවේ.

මතුගම නගරයේ තානායමකින් ව්‍යාජ රුපියල් 5000 නෝට්ටුවක් ලබාදී මත්පැන් ලබාගැනීමට උත්සාහ කළ පුද්ගලයෙකු පිළිබඳ තානායමේ අයකැමි පොලීසියට දන්වා ඇති අතර එම පුද්ගලයා පොලීසිය අත්අඩංගුවට ගෙන පරීක්‍ෂා කිරීමේදී ඔහු ළඟ තිබී තවත් ව්‍යාජ රුපියල් 5000 නෝට්ටු 12ක් සොයාගෙන ඇත. සැකකරුගෙන් වැඩිදුර ප්‍රශ්ණ කිරීමේදී මෙම මුදල් ලබාදුන් සැකකරුවන් 4 දෙනෙකු තවත් රුපියල් 5000 නෝට්ටු 127ක් හා ව්‍යාජ රුපියල් 1000 නෝට්ටුවක් සමඟ අත්අඩංගුවට ගෙන ඇත. සැකකරුවන් මතුගම, කුඹුක්ගැටේ, බෙරලපනාතර ප්‍රදේශවල පදිංචිකරුවන් වන අතර මතුගම පොලීසිය වැඩිදුර විමර්ශන සිදුකරයි.