රටේ ජනතාවගේ බහුතර බලයක් නොමැති මෛත්රී – රනිල් යුවල දැන් ඉල්ලා අස්විය යුතු බව, ඒකාබද්ධ විපක්ෂයේ කැඳවුම්කරු ගම්පහ පාර්ලිමේන්තු මන්ත්රී ප්රසන්න රණතුංග පවසා ඇත. ඔහු ඒ අදහස් පළ කර ඇත්තේ, පළාත් පාලන මැතිවරණයෙන් ජයග්රහණය ලැබූ මිනුවන්ගොඩ නගර සභාවේ සහ ප්රාදේශීය සභාවේ අපේක්ෂකයන් සමඟ පැවති ජන හමුවක් අමතමිනි.
එහිදී වැඩිදුරටත් අදහස් දැක්වූ මන්ත්රීවරයා සඳහන් කර ඇත්තේ, ජනාධිපති, අගමැති ප්රමුඛ ආණ්ඩුවට තවදුරටත් බලයේ සිටීමට සදාචාරාත්මක අයිතියක් නැති යන පණිවිඩය පොහොට්ටුව ඉදිරියේ කතිරය ගැසූ ලක්ෂ 50කට අධික ඡන්ද වලින් තහවුරු වූ බවයි. එමෙන්ම රටේ ජනතාවගේ බහුතර බලයක් නොමැති මෛත්රී – රනිල් යුවල දැන් ඉල්ලා අස්විය යුතු බවත්, යහපාලනය ආණ්ඩුවේ අවසන් හුස්ම පොදක් මේ පළාත් පාලන මැතිවරණයෙන් පසු වාතලයට මුසු වූ බවත් මන්ත්රීවරයා සඳහන් කර ඇත.