අධිකාරිය අයිතීන් සුරැකීමේ ව්‍යාපාරය ගැටේ.
දිවයින පුරා පිහිටි සියලූ ආර්ථික මධ්‍යස්ථාවලද පාලන මිල ගණන් යටතේ භාණ්ඩ අළෙවි කළ යුතු බව පාරිභෝගික අධිකාරිය පවසනවා.
එහි සභාපති හසිත තිලකරත්න සඳහන් කළේ සෙසු සියලු වෙළදසැල් ආශි‍්‍රතව වැටලීම් සිදුකරන ආකාරයටම ආර්ථික මධ්‍යස්ථානවලද තම නිලධාරීන් වැටලීම් සිදු කරන බවයි.
LNC විසින් කල විමසීමක දී පාරිභෝගික අධිකාරියේ සභාපතිවරයා පැවසුවේ දිවයින පුරා ස්ථාන 1500 ක් පමණ මේ වනවිටත් පාරිභෝගික සේවා අධිකාරිය විසින් පරීක්‍ෂා කර ඇති බවයි.
ආර්ථික මධ්‍යස්ථාන ආශි‍්‍රතව වැටලීම් සිදු නොවන්නේ නම් ඒ පිළිබඳව සොයා බලන බවද ඔහු ප‍්‍රකාශ කළා.
එහෙත් පාරිභෝගික අයිතීන් සුරැකීමේ ජාතික ව්‍යාපාරය පවසන්නේ භාණ්ඩ කිහිපයක් සඳහා රජය මගින් හඳුන්වාදුන් පාලන මිල කිසිඳු ආර්ථික මධ්‍යස්ථානයක කි‍්‍රයාත්මක නොවන බවයි.
එහි සභාපති රංජිත් විතානගේ සඳහන් කළේ රටපුරා පිහිටි සියලු තොග වෙළදසැල් සහ සිල්ලර වෙළදසැල් පමණක් පාරිභෝගික අධිකාරියේ නිලධාරීන් විසින් පරීක්‍ෂා කෙරෙන බවයි.