වැලිකඩ බන්ධනාගාරයේ රඳවා සිටි සිරකරුවන් 27 දෙනෙකු නම් ලැයිස්තුවකට අනුව තෝරා ඝාතනය කිරීම සම්බන්ධයෙන් ආරක්ෂක අමාත්යාංශයේ හිටපු ලේකම් ගෝඨාභය රාජපක්ෂ ප්රධාන වගඋත්තරකරුවෙකු වී සිටින වාර්ථාව මෙතෙක් අධිකරණ ක්රියාමාර්ග සඳහා යොමු නොකිරීම බරපතළ ගැටළුවක් බව ජ්යෙෂ්ඨ නීතිවේදීහු අවධාරණය කරන බව සඳහන් වේ.
මෙම සිදුවීම පිළිබඳව සකස් කළ කොමිෂන් සභා වාර්ථාව අපරාධ පරීක්ෂණ දෙපාර්තමේන්තුව ඇතුළු ආයතන කිහිපයක් විසින් පරීක්ෂා කර ඇති අතර එම වාර්ථාව අධිකරණ අමාත්යාංශය ඇතුළු වගකිවයුතු පාර්ශවයන්ට භාරදී වසර දෙකකට අධික කාලයක් ගතව ඇති බවත් පැවසේ. එමෙන්ම අදාළ කොමිසමේ සාමාජිකයෙකු වූ නීතිඥ එස්. කේ. ලියනගේ පවසා ඇත්තේ මේ සිද්ධියට ගෝඨාභය රාජපක්ෂ සෘජුවම වගකිව යුතු බවයි.