යාපනය විශ්ව විද්යාලයේ ආරක්ෂාව උපරිමයෙන් තහවුරු කර තිබෙන බැවින් කිසිදු බියකින් සහ සැකයකින් තොරව නිදහසේ තම අධ්යාපන කටයුතුවල නිරතවන ලෙස ජනාධිපතිවරයා සිසුන්ගෙන් ඉල්ලා සිටි.
යාපනය විශ්ව විද්යාලයේ උපකුලපතිනිය, ආචාර්ය මණ්ඩලය ඇතුළු දෙමාපියන් පිරිසක් ජනාධිපති කාර්යාලයේදී ජනාධිපති මෛතී්රපාල සිරිසේන හමු වූ අවස්ථාවේදී ඔහු මෙම ඉල්ලීම සිදු කළේය.
පසුගියදා විශ්ව විද්යාලයේ ඇතිවූ ගැටුම සහ සිසුන්ගේ ආරක්ෂාව වෙනුවෙන් ගෙන යන වැඩපිළිවෙළ පිළිබඳ මෙහිදී දීර්ඝ වශයෙන් සාකච්ඡාවට ලක් විය.
මෙහිදී අදහස් දැක්වූ උපකුලපතිනි වසන්ති අර්සරත්නම් සඳහන් කළේ විශ්ව විද්යාලය තූළ යළිත් කිසිසේත් එවන් සිදුවීමක් ඇති නොවන ආකාරයට අවශ්ය විධිවිධාන යොදා ඇති බවයි.
ශිෂ්යයින්ගේ ආරක්ෂාව වෙනුවෙන් රජය පූර්ණ වශයෙන් වගකියන බව මෙහිදි ප්රකාශ කළ ජනාධිපතිවරයා ඕනෑම අවස්ථාවක ඒ පිළිබ සංවේදිව කටයුතු කරන ලෙස පොලීසිය ඇතුළු ආරක්ෂක අංශ දැනුවත් කර තිබෙන බව සදහන් කළේය.