විධායක ජනාධිපති ක්රමය අහෝසි කිරීමට මහින්ද රාජපක්ෂ ප්රමුඛ ඒකාබද්ධ විපක්ෂය කොන්දේසි සහිතව සහය පළ කිරීමට තීරණය කළහොත් ඒ සඳහා තම පෙරමුණ විරෝධය පළ කරන බව පාර්ලිමේන්තු මන්ත්රී විමල් වීරවංශ සඳහන්කරයි.ඊයේ මහනුවරදී මහින්ද රාජපක්ෂද විධායක ජනාධිපති ධුරය අහෝසි කලයුතුබව ප්රකාශ කිරීමත් සමග එය ඒකාබද්ධ විපක්ෂයේ පොදු මතය වීමට ඉඩ ඇති නිසා ඊට එරෙහිව නිවේදනයක් නිකුත් කිරීමට විමල් වීරවංශ පියවරෙගෙන තිබේ.
නිවේදනයක් නිකුත් කරමින් විමල් වීරවංශ සඳහන් කරන්නේ විධායක ජනාධිපති ක්රමය අහෝසි කිරීමේ 20 වන ආණ්ඩුක්රම ව්යවස්ථා සංශෝධනය සම්මත වු වහා පාර්ලිමේන්තුව විසිරුවා හැරීමේ කොන්දේසිය මත ඊට සහය දක්වන බවට මහින්ද රාජපක්ෂ ඇතුළු ඒකාබද්ධ විපක්ෂයේ සාමාජිකයින් කිහිප දෙනෙකු මේ වනවිට ප්රකාශ කර ඇති බවයි.
කොළඹ පැවති මාධ්ය හමුවක දී පසුගිය දා පාර්ලිමේන්තු මන්ත්රි බන්දුල ගුණවර්ධනද කියා සිටියේ විධායක ජනාධිපති ක්රමය අහෝසි කිරීමට ජනතා විමුක්ති පෙරමුණට සහය ලබාදෙන්නේ පාර්ලිමේන්තුව විසිරුවා හැරීමේ යෝජනාව ද ඊට එක් කළ හොත් පමණක් බවයි.