නාමල් වී අලෙවි මණ්ඩලය වටලයි.
වී මිලදී ගැනීම සම්බන්ධයෙන් මේ වනවිට ගොවියන් මුහුණ දී සිටින ගැටළු සම්බන්ධයෙන් විශේෂයෙන් සහතික මිලට වී මිලදී නොගැනීම පිළිබඳව සාකච්ඡා කිරීම සඳහා සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න, ලේකම් ටීබී සරත්, දිගාමඩුල්ල ගොවි සුරැකුම් සංවිධානයේ කැඳවුම්කරු, හිටපු පාර්ලිමේන්තු මන්ත්‍රී වසන්ත පියතිස්ස මහතා ඇතුළු දිස්ත්‍රික්ක 12ක ගොවි සංවිධාන නායකයින් වි අලෙවි මණ්ඩලයට පැමිණියහ.
ගොවි නියෝජිතයින් පැමිණෙන බව දින කිහිපයකටය පෙර ලිඛිතවම දැනුවත් කර තිබුණද එහි සභාපතිවරයා එම අවස්ථාවට සහභාගී වී නැත.
එහි සාමාන්‍යාධිකාරීවරයා ගොවීන් බව දැක කාමරයක් තුළට වී වසංවීමට උත්සාහ කළද ඒ බව දැනගත් ගොවීන් මහත් පරිශ්‍රමයක් යොදා ඔහුට වසංවීමට ඉඩ ලබා නොදී ඔහුව සාකච්ඡාව සඳහා එක්කරගෙන තිබේ.
ඔහු සමග පැවති සාකච්ඡාවේදී අඩුම තරමේ වී අලෙවි මණ්ඩලය පිහිටුවා ඇති පනත සම්බන්ධයෙන් හෝ ඔහු කිසිඳු අවබෝධයක් නොමැති බව තේරුම්ගත් ගොවීන් සිය විරෝධය සටහන් කර පැමිණ ඇත