මහරගම – වත්තේගෙදර සණස සමිතිය සමූපකාර කොමසාරිස් පාලනය යටතට පත් කිරීමට අද තීරණය කෙරුණා.
ඒ, අදාළ සණස සමිතියේ බාහිර තැන්පත්කරුවන් සහ බස්නාහිර පළාත් ප්රධාන අමාත්ය ඉසුර දේවප්රිය අතර පැවති සාකච්ඡාවකින් අනතුරුවයි.
බත්තරමුල්ල බස්නාහිර පළාත් සභා සංකීර්ණය ඉදිරිපිට එම සමිතියේ බාහිර තැන්පත්කරුවන් පිරිසක් විරෝධතාවක නිරතවූ අතර තැන්පත්කරුවන් බලහත්කාරයෙන් ඊට ඇතුලූවීමට උත්සාහ කිරීමත් සමඟ එම ස්ථානයේ උණුසුම්කාරී තත්ත්වයක් ඇති විය..
අනතුරුව තැන්පත්කරුවන් දසදෙනෙකු සහ පළාත් ප්රධාන අමාත්යවරයා සාකච්ඡාවක් පැවැත්වූ අතර එහිදී මහරගම වත්තේගෙදර සණස සමිතිය සමූපකාර කොමසාරිස් භාරයට පත් කරන බවට ප්රධාන අමාත්යවරයා ලබාදුන් පොරොන්දුවත් සමඟ විරෝධතාකරුවන් විසිර ගියහ.