මා ගැන මාධ්‍ය බොරු කිවු නිසා ආවා.
2011 ලෝක කුසලාන අවසන් මහා තරගයේ පාවාදුන්නේ යයි එල්ලවන චෝදනා සම්බන්ධයෙන් සිදු කරන පරීක්‍ෂණ සදහා ප‍්‍රකාශයක් ලබා ගැනීමට අද දිනයේ සහභාගී වන ලෙස මුලින් දැන්වුවද ඊයේ රාත්‍රියේ අද අවශ්‍ය නොවන බව දැනුම් දුන් බවත් හිටපු ක්‍රිකට් නායක මහේල ජයවර්ධන සඳහන් කරයි.
පුද්ගලික හේතුවක් මත තමන් අද නොපැමිණෙන බව ඇතැම් මාධ්‍ය වාර්තා කළ නිසා තමත් අද පෙරවරුවේ එහි පැමිණි බව ක‍්‍රීඩා අමාත්‍යාංශයේ පරීක්‍ෂණ ඒකකයට පැමිණ මහේල ජයවර්ධන කියා සිටියේය. තමන් විසින්ම නොකරන ලද ප්‍රකාශ මාධ්‍ය ඔස්සේ ප්‍රචාරය කිරීමෙන් වලකින ලෙස කාරුණිකව මාධ්‍යවලින් ඉල්ලා සිටින බවද පැවසූ ඔහු මෙම පරීක්ෂණය සඳහා අවශ්‍ය තොරතුරු තමන්ගෙන් ලබාගත යුතු නම් ඒ සඳහා තමන් උපරිම සහාය දෙන බවද කියා සිටියේය.