පොලිසිය එල්ල කළ කඳුළු ගෑස් ප්‍රහාරයෙන් ඇසක් අහිමි වූ ආබාධිත සෙබලාගේ පෙත්සම විභාගයට.
විශ්‍රාම වැටුප් ඉල්ලා ආබාධිත යුද හමුදා සෙබළුන් 2017 වසරේ පැවැත්වූ උද්ඝෝෂණයට පොලීසිය විසින් එල්ල කළ කඳුළු ගෑස් ප්‍රහාරවලින් ඇසක් අහිමි වීම වෙනුවෙන් රුපියල් මිලියන 10 ක වන්දි මුදලක් ඉල්ලා ඇස අහිමි වූ විශ්‍රාමික ලාන්ස් කෝප්‍රල් නිශාන්ත මිහිරාජ් විසින් ගොනු කළ මූලික අයිතිවාසිකම් පෙත්සම ලබන වසරේ මැයි මස 4 දා විභාගයට ගැනීමට ශ්‍රේෂ්ඨාධිකරණය අද දින ලබා දෙන ලදි.එහි වගඋත්තරකරුවන් ලෙසට කොටුව පොලීසියේ ස්ථානාධිපතිවරයා, පොලිස්පතිවරයා, නීතිය හා සාමය පිළිබඳ අමාත්‍යවරයා ඇතුළු පිරිසක් නම් කර ඇත.